Ուղեցույց

• Մոտեցիր ընտրական հանձնաժողովի նախագահին, ներկայացի'ր եւ գրանցվի'ր: 

• Գտի'ր այն վայրը, որտեղ կարող ես դիրքավորվել, եւ որտեղից չես խանգարի ընտրողներին ու ընտրական գործընթացին:

• Հետեւի'ր, որ տեսանելի լինեն տեղամասի բոլոր անկյունները, որպեսզի կարողանաս տեսա եւ ֆոտո նկարահանումներ իրականացել:

• Դու կարող ես հանգիստ տեղաշարժվել, մոտենալ ընտրացուցակներին, հանձնաժողովի անդամներին, վստահված անձանց, դիտորդներին:

• Տեղեկացի'ր, թե անհրաժեշտության դեպքում որտե՞ղ կարող ես լիցքավորել քո սարքերը:

• Տեղեկացի'ր, կա արդյո՞ք WiFi անվճար ինտերնետային կապ ընտրատեղամասում:

• Տեղեկատվության աղբյուրների հետ զրուցելիս վերցրու' նրանց կոնտակտային տվյալները (հեռախոսահամար, էլ. փոստի հասցեն):

• Մարդկանց հետ զրուցելիս` ներկայացի'ր:

• Ընտրացուցակներում մահացածի անվան առկայություն:

• Ընտրացուցակներում ընտրողի անվան բացակայություն:

• Ընտրացուցակներում հաշվառման հասցեում կողմնակի անձանց առկայություն:

• Ընտրակաշառք ընտրողներին դրամական կամ այլ նյութական արժեքներ ու մթերքների  բաժանում:

• Բռնության կամ սպառնալիքի կիրառում ընտրողի նկատմամբ:

• Բռնության կամ սպառնալիքի կիրառում ընտրական հանձնաժողովի նկատմամբ:

• Բռնության կամ սպառնալիքի կիրառում թեկնածուի վստահված անձի նկատմամբ:

• Բռնության կամ սպառնալիքի կիրառում դիտորդի նկատմամբ:

• Բռնության կամ սպառնալիքի կիրառում  լրագրողի նկատմամբ:

• Բռնության կամ սպառնալիքի կիրառում լիազորված անձի նկատմամբ:

• Քարոզչություն ընտրատեղամասի տարածքում. ընտրության օրն արգելվում է  քարոզչությունը, ուստի քարոզչության ցանկացած դրսեւորում ընտրատեղամասում կամ ընտրատեղամասից դուրս օրենքի խախտում է:

• Քվեարկություն այլ անձի փոխարեն:

• Քվեարկություն նույն անձի կողմից, մեկից ավելի անգամ:

• Լցոնում. քվեարկված քվեաթերթիկների անօրինական լցոնում քվեատուփի մեջ: Լցոնումները հաճախ իրականացվում են՝ հրմշտոցներ ստեղծելու ընթացքում, երբ հանձնաժողովի ուշադրությունը այլ բանի վրա է կենտրոնացած:

• Քվեատուփի հափշտակում:

• Բաց քվեարկություն. այլ անձանց կողմից քվեախցիկ մուտք գործելը, քվեարկած քվեաթերթիկը ստուգելը, ընտրողին քվեարկության արդյունքը հայտնելուն հարկադրելը համարվում է գաղտնի քվեարկության իրավունքի խախտում: «Հայաստանի Հանրապետության նախագահի, Ազգային ժողովի, տեղական ինքնակառավարման մարմինների ընտրությունները, ինչպես նաեւ հանրաքվեներն անցկացվում են ընդհանուր, հավասար, ուղղակի ընտրական իրավունքի հիման վրա` գաղտնի քվեարկությամբ»:
   
• Կարուսել. ընտրողը քվեախցիկ մտնելուց առաջ ունենում է քվեարկված թերթիկ, իսկ ստացած մաքուր քվեաթերթիկը դուրս է բերում տեղամասից՝ հանձնելով «պատվիրատուին»:

• Ամենատարածված ընտրախախտումների ցանկը iDitord կայքում : 

• Եղի՛ր անաչառ եւ անկողմնակալ:

• Հիշի՛ր, որ առաջնայինը հանրային շահն է:

• Որեւէ փաստի մասին գրելուց առաջ ունեցի՛ր երկու կամ երեք աղբյուր:

• Մի՛ պիտակավորիր մարդկանց:

• Ճշտի՛ր միջադեպում ներգրավված բոլոր կողմերի տեսակետները:

• Եթե դու միջադեպի ականատեսը չես, զրուցի՛ր ականատեսների հետ:

Լավ ու հետաքրքիր պատմություն պատմելը գրեթե նույնն է, ինչ համեղ կերակրատեսակ պատրաստելը: Համե՞ղ է քո պատրաստած ուտեստը, թե ոչ այնքան, պայմանավորված է օգտագործվող բաղադրատոմսով եւ նյութերով: