«Թղթակցություններ

Հրաչյա Հարությունյանի իրավունքների խախտումը

Ոլորտ:

07/17/2013 - 19:15
Որտեղ է տեղի ունեցել: 
Ինչ է տեղի ունեցել: 

Հուլիսի 17-ին` ժամը 12:00-ին «Մեդիա կենտրոն»-ում տեղի ունեցավ ասուլիս, որն անդրադարձավ Հրաչյա Հարությունյանի իրավունքների խախտմանը Մոսկվայում եւ հայ հասարակական ու իրավական գործիչների գնահատականին:

Ռուսաստանի դաշնությունում հուլիսի 13-ին մանրաքար տեղափոխող բեռնատարը, որի ղեկին եղել է Հրաչյա Հարությունյանը, բախվել է մարդատար ավտոբուսին՝ դառնալով 18 մարդկանց մահվան պատճառ: Դեպքից հետո Հարությունյանին նվաստացուցիչ վերաբերմունքի են ենթարկել՝  նրան դատարան բերելով կանացի խալաթով եւ պատշաճ բժշկական օգնություն չցուցաբերելով: Սա առաջացրել է մեծ աղմուկ Հայաստանում եւ Ռուսաստանում:

Ասուլիսի բանախոսներն էին  Մարդու իրավունքների պաշտպանի ինստիտուտի իրավական վերլուծության վարչության պետ Արամ Վարդեւանյանը, ՄԻՊ խորհրդական Երանուհի Թումանյանցը, իրավապաշտպաններ Ժաննա Ալեքսանյանը (Լրագրողներ հանուն մարդու իրավուքների ՀԿ), Ավետիք Իշխանյանը (Հայաստանի հելսինկյան կոմիտե),բլոգեր Սամվել Մարտիրոսյանը, «Աքիլլես» ավտովարորդների իրավունքների պաշտպանության կենտրոն» ՀԿ ղեկավար Էդուարդ Հովհաննիսյանը, Հրաչյա Հարությունյանի քրոջ աղջիկը՝ Անահիտ Մայիլյանը:

«Ռուսաստանում կովկասցիները միշտ օգտագործվել են ներքին քաղաքական հարցեր լուծելու համար: Դրա համար էլ պետդուման չի կարողանում ընդունել օրինախախտի ազգությունը չնշելու մասին օրենքը 2007թ.-ից : Այս դեպքում շատերը մեղադրում են դեսպանատանը, որ չի միջամտում, ես էլ հետը: Իրականում դեսպանատունը պարզ է, որ գործողություններ կատարում է: Բայց, կարծում եմ, գոյություն ունի սկզբունքային խնդիր, որ միայն այս դեպքի հետ չէ կապված: Խնդիրն այն է, որ մեր ներկայացուցչությունները սովոր են գործել փակ ռեժիմով: Էնպես չէ, որ մարդկանց բրախում են, բայց ինչ-որ ներքին կարգով են գործում: Ինձ համար անհասկանալի էր, ինչու է օմբուդսմենի գրասենյակն անում ԱԳՆ գործը: Ինձ թվում է սկզբունքային է, որ պետությունն այս դեպքում կուլիսների հետևում չմնա»,- ասաց Սամվել Մարտիրոսյանը:

Նա հայտնեց, որ վերջին տասը տարվա մեջ Հայաստանում կա լուրջ հակառուսական ալիք, և դրա միակ մեղավորը Կրեմլն է:

«Ռուսական լրատվամիջոցների հոգեբանական ճնշումն ամենայն հավանականությամբ կշարունակվի մինչև հոկտեմբեր` Հայաստանի և Եվրոպայի հարաբերությունների քննարկում»,- համոզված է Սամվել Մարտիրոսյանը:

Կանացի խալաթով, ոչ անհետաձգելի պայմաններում Հրաչյա Հարությունյանին դատարան բերելը Մարդու իրավունքների պաշտպանը գնահատել է որպես մարդու իրավունքների կոպիտ խախտում:
«Ռուսաստանի սահմանադրության 21-րդ հոդվածը բացառում է բոլոր մեխանիզմները, որոնք կարող են հանգեցնել անձի արժանապատվության իրավունքի խախտմանը: Նման տեսքով կասկածյալին դատարան բերելը անհրաժեշտ և համաչափ չէր: Պարզ չէ, թե ինչպես պետք է հիմնավորեն անհրաժեշտությունն ու համաչափությունը: Պետությունը կրում է պարտավորություն` բացառելու դատարան նման տեսքով անձի ներկայանալու հնարավորությունը, նույնիսկ այն դեպքում, եթե անձն ինքը ցանկանար էդպես ներկայանալ»,- ասաց Արամ Վարդևանյանը:

 Վարդեւանյանը հիշեցրեց նաեւ, որ գոյություն ունի անմեղության կանխավարկած. այս պահի դրությամբ Հրաչյա Հարությունյանը անմեղ է, մինչև դատարանի վճիռը կկայացվի:

«Հարկավոր է հաշվի առնել, որ ՀՀ-ն և ՌԴ-ն համարվում են Մինսկի կոնվենցիայի անդամ, ինչով երաշխավորվում է էքստրադիցիայի գործընթացը: Արդարադատության նախարարությունը և գլխավոր դատախազությունը իրավասու են դիմել ՌԴ-ին այս հարցով «Հիմնականում պրակտիկան այնպիսին է, որ երբ պետությունները գտնվում են բարիդրացիական հարաբերություններում, էքստրադիցիան խնդիր չի հանդիսանում»,- ավելացրեց նա:

Երանուհի Թումանյանցը նշեց, որ այժմ ՄԻՊ-ը կապի մեջ է ՌԴ հանձնակատարի հետ, ովքեր նշել են, որ հետևողական են լինելու:

«Փաստաբանի խոսքով` գիտենք, որ այս պահին Հրաչյա Հարությունյանը քննչական մեկուսարանում է, քանի որ ֆիզիկական առողջության խնդիրներ չունի, նա հոգեբանական շատ ծանր վիճակում է և գտնվում է հոգեբանի և հոգեբույժի հսկողության տակ»,- ասաց Երանուհի Թումանյանցը:

Անահիտ Մայիլյանը պատմեց, որ իր քեռին 90-ականներին կամավոր մասնակցել է պատերազմին: Մեկնել է Մոսկվա, որովհետև 21-ամյա որդին մահացել է, մեկնել է, որ գումար բերի` գերեզմանը սարքելու:

«Ես բարեկամներ ունեմ Մոսկվայում, որոնք հագուստ են տարել, որը թույլ չեն տվել իրեն հասնի: Այսքան օր է անցել, մենք իր հետ մեկ վայրկյան անգամ խոսելու հնարավորություն չենք ունեցել, մենք չգիտենք անգամ առողջական վիճակն ինչպես է: Յուրաքանչյուրս տեսնում ենք, որ մեքենան տանելով ձախ` նա չի մտածել իր փրկվելու մասին»,- ասաց  Մայիլյանը՝ նշելով, որ երեկ երեկոյան ՀՀ պաշտպանության նախարարության կողմից 400 հազար դրամ է փոխանցվել` գերեզմանաքարի համար, իսկ մինչեւ այս դեպքն ընտանիքին որևէ աջակցություն չի ցուցաբերվել, երբ Հարությունյանի տղային վիրահատել են բանակից զորացրվելու հետո:

Էդուարդ Հովհաննիսյանը նշեց, որ ոչ մի տեղ չի գրվում, թե այդ խաչմերուկում ո´ր ճանապարհն է եղել գլխավոր, որը` երկրորդական:

«Մարդուն այդ տեսքով դատարան բերելը նաև անհարգալից վերաբերմունք է սեփական դատարանի հանդեպ: Հետևել եմ էլեկտրոնային լրատվամիջոցների աշխատանքին` ատելության և թշնամանքի համատեքստում էին աշխատում շատերը, մի քանի բացառություններով»,- համոզված է Ժաննա Ալեքսանյանը:

Նա նշում է, որ ՀՀ պաշտպանության նախարարությունը պարտավոր էր մինչ այդ հոգալ Հրաչյա Հարությունյանի որդու մահվան ծախսերը, որ Հարությունյանը ստիպված չլիներ դրա համար գնալ Ռուսաստան:

 «Այս դեպքն ակնհայտորեն օգտագործվել է հատուկ հակահայկական քարոզչության համար: Այդպիսի վերաբերմունքը մարդու նկատմամբ` հստակ քաղաքական դիրքորոշում է, ոչ թե` իրավապահ մարմինների ինքնուրույն գործելակերպ: Եվ սա վիրավորանք էր բոլորիս հանդեպ` սկսած Հայաստանի նախագահից, մինչև շարքային քաղաքացի»,- համոզված է Իշխանյանը:

Նա համոզված է, որ եթե վարորդը լիներ սլավոնական ազգի ներկայացուցիչ, նման բան չէր լինի:
 «Անհնար եմ համարում, որ դատարան էդպիսի տեսքով բերեին ԱՄՆ քաղաքացուն: Նույնիսկ սառը պատերազմի ժամանակ էդպես չէին վարվի: Իսկ եթե պատկերացնենք, որ էդպես վարվեին, դա կենթադրեր առնվա´զն դիվանագիտական հարաբերությունների խզում»,- ասաց Իշխանյանը:

Իշխանյանը վտանգ է տեսնում, որ այս գործով դատախազը ազգությամբ հայ է, քանի որ նման դեպքերում մարդիկ փորձում են «Հռոմի պապից առավել կաթոլիկ երեւալ»:

«Ես կոչ եմ անում, որ Գալուստյանը, Գարիկ Մարտիրոսյանը հրապարակային դիրքորոշում հայտնեն այս դեպքի վերաբերյալ»,- ասաց նա:

Ասուլիսի ամբողջական տեսագրությունը կարող եք գտնել՝ այստեղ:

Մարի Սևոյան 08/30/2017 - 18:00

Բնապատկերներ, վանքեր, վառ ծաղիկներ, որ ստիպում են կանգնել, հիանալ իրենցով ու ակամայից վայելել նրանցում թաքնված բույրն ու քեզ զգալ ինչպես...

Մարի Սևոյան 06/19/2017 - 13:37

Քրտնաջան աշխատանքը և նպատակասլացությունը հուսախաբ չարեցին․ այս տարի աշնանը N119 ավագ դպրոցի շրջանավարտ Տիգրանի՝...

Arpine Arzumanyan 10/20/2016 - 15:56

«Ի՞նչ կլինի, եթե դադարեցնենք քաղաքական պայքարը և սկսենք համագործակցել»,- հարցադրում  է անում ՄԻՖ (MEF) (Թուրքիա)...

Arpine Arzumanyan 10/20/2016 - 15:45

«Այստեղ մենք հանդիպում ենք այնպիսի ներդրողների, որոնց չէինք կարող հանդիպել Հայաստանում: Ուզում եմ փաստել, որ նման միջոցառումները պետք է...

Arpine Arzumanyan 10/17/2016 - 14:19

«Ես ուզում եմ, որ դուք լինեք ձեռներեց, քանի որ ես չեմ ուզում, որ դուք լինեք կորպորատիվ ստրուկներ»,- ասում է ՄԻՖ (MEF) (Թուրքիա)...

Մարի Սևոյան 08/30/2017 - 18:00

Բնապատկերներ, վանքեր, վառ ծաղիկներ, որ ստիպում են կանգնել, հիանալ իրենցով ու ակամայից վայելել նրանցում թաքնված բույրն ու քեզ զգալ ինչպես...

Tigran Hovhannisyan 05/07/2016 - 19:13

Ուրախ տրամադրություն, ծիծաղ եւ պարզապես «դրայվ» դուք կարող եք ստանալ, դիտելով  «Վայ, մամա ջան» ֆիլմը, որի շնորհանդեսը կայացավ մայիսի 6-...

Arm Sargsyan 03/13/2016 - 19:33

Չգիտեմ, թե ցանկությունս որքանով է հնարավոր ի կատար ածել, որքանով՝ ոչ, բայց այն մեծ է, անչափ մեծ.

Արփինե Մանասյան 02/07/2016 - 21:11

Տարիքակիցներիս հետ ժամանակ անցկացնելու համար մեծ մասամբ ստիպված եմ լինում գնալ քաղաքի տարբեր մասեր, քանի որ Դավթաշենում չկան իմ և իմ...

Արփինե Մանասյան 02/07/2016 - 21:00

Սույն թվականի հունվարի 16-ի առավոտյան, Դավթաշեն առաջին թաղամասի կանգառներից մեկում կանգնած էի և նկատեցի մի խումբ տաքսիներ, որոնք...

Մարիամ Գրիգորյան 01/23/2016 - 23:01

Ողջույն: Ես Մարիամն եմ: Ապրում եմ Դավթաշենում: Հայաստանը ունի որոշակի բյուջե, բայց իր բյուջեից շատ քիչ մասն է հատկացնում թոշակառուներին...

Աշոտ Իսրաելյան 05/10/2014 - 16:00

Նորաբաց «Երևան Մոլ»-ում օրվա տարբեր ժամերին կարելի է տեսնել «Սամսունգ» ընկերության «ռոբոտին»: Ռոբոտը իր պարային շարժումներով գովազդում է...

Liza Gasparyan 01/08/2013 - 14:30
Նելլի Շիշմանյան 12/30/2012 - 19:15

Մեր օրերում ապրում են կանայք, ովքեր հայրենիքի խաղաղության համար չեն խնայել ոչինչ.  Հայրենական Մեծ Պատերազմի սկսվելու մասին լուրը լսելով...

Liza Gasparyan 12/07/2012 - 11:20

1988թ-ի Սպիտակի ավերիչ երկրաշարժի հետեւանքով զոհվեց 25.000 մարդ , անօթեւան մնաց` 514.000-ը:

Elmira Abgarian 11/28/2012 - 12:00

Դեռևս մայիս ամսվա սկզբին անդրադարձել էի Երեւանի Դավթաշեն 4րդ թաղամասի 46-րդ շենքի բնակիչների բողոքին առ այն, որ նրանց ջանքերով  աճեցրած...

Elmira Abgarian 11/28/2012 - 11:45

Երեւանի Դավթաշենի 4-րդ թաղամասի 46-րդ շենքի բնակիչները բողոքում են, որ  տարիներ շարունակ իրենց կողմից տնկած և  խնամված ծառերը կտրել են...

Մարի Սևոյան 06/19/2017 - 13:37

Քրտնաջան աշխատանքը և նպատակասլացությունը հուսախաբ չարեցին․ այս տարի աշնանը N119 ավագ դպրոցի շրջանավարտ Տիգրանի՝...

Arpine Arzumanyan 10/20/2016 - 15:56

«Ի՞նչ կլինի, եթե դադարեցնենք քաղաքական պայքարը և սկսենք համագործակցել»,- հարցադրում  է անում ՄԻՖ (MEF) (Թուրքիա)...

Arpine Arzumanyan 10/20/2016 - 15:45

«Այստեղ մենք հանդիպում ենք այնպիսի ներդրողների, որոնց չէինք կարող հանդիպել Հայաստանում: Ուզում եմ փաստել, որ նման միջոցառումները պետք է...

Arpine Arzumanyan 10/17/2016 - 14:19

«Ես ուզում եմ, որ դուք լինեք ձեռներեց, քանի որ ես չեմ ուզում, որ դուք լինեք կորպորատիվ ստրուկներ»,- ասում է ՄԻՖ (MEF) (Թուրքիա)...

Arpine Arzumanyan 09/28/2016 - 17:54

«Յուրաքանչյուրս պետք է գիտակցենք, որ մեր քայլերը որոշակի ազդեցություն են ունենում բնության վրա, պետք է փորձել...