«Թղթակցություններ

Քարակերտցի կերտողը

Ոլորտ:

03/05/2014 - 12:00
Որտեղ է տեղի ունեցել: 
Արմավիրի մարզ, գյուղ Քարակերտ
Ինչ է տեղի ունեցել: 

Արմավիրի մարզի Քարակերտ գյուղի բնակիչ Ժորա Ռայիսյանն ամեն օր աշխատանքից հոգնած գալիս է տուն և հանգստանում նորից աշխատելով, բայց այս անգամ իր սիրած գործով է զբաղվում՝ քանդակում է: Ինչպես ինքն է ասում՝ այս գործից հոգնել չունի, չի համբերում, թե երբ է գիշերը լուսանալու, որ կիսատ թողած քանդակը շարունակի ու ավարտին հասցնի: Շատ է պատահել, որ գիշերվա կեսին պարոն Ժորայի կինը՝ տիկին Զեփյուռը, ամուսնուն արհեստանոցում աշխատելիս է գտել: Կնոջ նախատինքներին ու հանգստանալու հորդորներին պարոն Ժորան պատասխանում է. «էնպիսի բան եմ հիշել, որ եթե հիմա չանեմ, էլ չեմ կարողանա անել»:

Դպրոցական տարիներին նկարելու նկատմամբ ունեցած սերը ժամանակի ընթացքում աճեց, զարգացավ ու քանդակելու շնորհ դարձավ: Դպրոցում սիրած առարկաները՝ գծագրությունն ու երկրաչափությունը, հետագայում նրան կյանքում պետք եկան: Աշխատում է տարբեր գործիքներով, որոնց մեջ կան նաև ինքնաշեններ: «Այն` ինչ կարողանում եմ անել, ինքնուրույն եմ սովորել՝ աշխատելու ընթացքում աստիճանաբար նոր տեխնիկաներ ու մեթոդներ հնարելով՝ կամաց-կամաց զարգացրեցի հմտություններս: Ինչպես ասում են՝ ախորժակն ուտելիս է բացվում: Դեռ մի դետալը չավարտած՝ մյուս դետալը գլխումս արդեն պատկերացնում եմ»,- ասում է Ժորան:

Նախկինում որևէ քնադակ սկսելուց առաջ նախ գծանկարն էր ստանում, հետո այնքան վարժվեց, որ գծանկարները գլխում են մնում՝ միանգամից սկսում է քանդակել: «Ցանկացած նկար նայելով կարող եմ պատկերացնել, թե ինչպես կարելի է այն քանդակել: Կինս ասում է՝ Ժորա չեղավ, որ մի գործ փչանա կամ չստացվի, ասում եմ՝  իմ ձեռքում ոչինչ էլ չի փչանա, եթե փչանա էլ, ձևը կփոխեմ»,- պատմում է Ժորան:

Շատ քրիստոնյա հայեր ցանկանում են իրենց տանը գոնե մեկ եկեղեցի ունենալ՝ թեկուզ քանդակի տեսքով, իսկ Ժորայի տանը հայկական եկեղեցիներն ու տաճարները՝ ինչքան ուզես: Զվարթնոցի տաճարից սկսած, մինչև «Մայր Հայաստանի» արձանը Ժորան տեղավորել է իրենց տանը: Հիշում է, որ շատ գործեր նվիրել է ընկերներին, բարեկամներին, եկեղեցիների: 

Մի քիչ ափսոսում է, որ այդ գործերից էլ չի կարող ստեղծել, ասում է՝ նույն գործը երկրորդ անգամ չես ստեղծի: Մի քանի գործ էլ կարողացել է վաճառել, բայց շատ մատչելի: Այնուամենայնիվ, սրտի ուզածի չափ չի կարողանում սիրած գործով զբաղվել, որովհետև ապրել է պետք, իսկ ապրելու համար եկամտաբեր գործ պետք է ունենալ: Վաստակում է բնակարանների վերանորոգմամբ: «Այս գործում էլ եմ արագաշարժ. ես նման եմ դասը լավ սերտած երես առած աշակերտի, ով չի համբերում, թե երբ է պատասխանելու: Քանի որ գործիս լավ եմ տիրապետում, նախընտրում եմ արագ ավարտել ու մնացած ժամանակս քանդակներիս տրամադրել»,- ասում է Ժորան, ով վերանորոգման աշխատանքներին էլ է ստեղծագործաբար մոտենում: Իր վերանորոգած բնակարաններում ձեռագիրն անպայման թողնում է՝ քանդակների տեսքով:

Ժորան միշտ նոր բան ստեղծելու մասին է մտածում, խոսքը միայն քանդակների մասին չէ: Տան գործերում էլ է շատ հնարամիտ:  

Տարիներ առաջ իրենց տան համար էլեկտրական օրորոց է պատրաստել, որն օրորվում էր առանց մեխանիկական ուժի գործադրման: Հետո որոշել է այդ միտքը զարգացնել, պետք էր ստեղծել այնպիսի օրորոցը, որը կօրորվեր երեխայի լացի ձայնից: Ափսոս, որ նրա այս գաղափարը մնացել է լոկ որպես գաղափար:  Դրանից տարիներ անց լուրերից իմացել է, որ նման օրորոց մեկ ուրիշն արդեն ստեղծել է. այն, ինչն ինքը մտածել, բայց ի կատար չէր ածել:

Ժորան շատ է ափսոսում, որ այսօր իր հմտությունները նոր սերնդին փոխանցելու հնարավորություն չունի: Նշում է, որ հաճույքով դպրոցում կաշխատեր, եթե ԿԳՆ-ն դիպլոմ կոչվող թղթի կտորի փոխարեն մարդուն հավատար: «Թոռս էլ ֆուտբոլով է հետաքրքրվում, այս գործը նրան չի ձգում, ինձնից հետո բա Քարակերտում մեկին չթողնե՞մ որպես գործի շարունակող»,- մտահոգվում է Ժորան:

Քարակերտցի կերտողը նեղսրտում է, որ ցուցահանդեսների և նմանատիպ իրադարձությունների մասին չի կարողանում ժամանակին իմանալ, որպեսզի օգտագործի այդ միջոցառումները ներկայանալու և ճանաչվելու նպատակով: Ժորայի կինը շատ է ափսոսում, որ հաճախ իր ամուսնու ստեղծագործություններին միայն ինքն է հաղորդակից լինում: Խոստովանում է, որ հեշտ չի ստեղծագործող կողակից ունենալը. «Երբեմն նյարդայնանում է, որ իր աշխատանքներն անտեսվում են, ես նրան հասկանում եմ: Ափսոսում եմ, որ նմանատիպ աշխատանքները մնում են անտեսանելի ու չեն ճանաչվում շատերի կողմից»,- նշում է տիկին Զեփյուռը:

Հ.Գ. Վերջում Ժորան մի գաղտնիք բացեց: Կես կատակ, կես լուրջ ասում է, որ իր գործում ոչ միայն սիրտն ու հոգին, այլ նաև թոքերն է դրել: Պատմում է, որ Զվարթնոց տաճարի քանդակի պատուհանները պատրաստելու համար իր թոքերի ուլտրաձայնային ախտորոշման նկարն է օգտագործել. «Եթե Զվարթնոցի լույսերը միացնեք, թոքերս կտեսնեք»,- ծիծաղում է քանդակագործը:

Մարի Սևոյան 08/30/2017 - 18:00

Բնապատկերներ, վանքեր, վառ ծաղիկներ, որ ստիպում են կանգնել, հիանալ իրենցով ու ակամայից վայելել նրանցում թաքնված բույրն ու քեզ զգալ ինչպես...

Մարի Սևոյան 06/19/2017 - 13:37

Քրտնաջան աշխատանքը և նպատակասլացությունը հուսախաբ չարեցին․ այս տարի աշնանը N119 ավագ դպրոցի շրջանավարտ Տիգրանի՝...

Arpine Arzumanyan 10/20/2016 - 15:56

«Ի՞նչ կլինի, եթե դադարեցնենք քաղաքական պայքարը և սկսենք համագործակցել»,- հարցադրում  է անում ՄԻՖ (MEF) (Թուրքիա)...

Arpine Arzumanyan 10/20/2016 - 15:45

«Այստեղ մենք հանդիպում ենք այնպիսի ներդրողների, որոնց չէինք կարող հանդիպել Հայաստանում: Ուզում եմ փաստել, որ նման միջոցառումները պետք է...

Arpine Arzumanyan 10/17/2016 - 14:19

«Ես ուզում եմ, որ դուք լինեք ձեռներեց, քանի որ ես չեմ ուզում, որ դուք լինեք կորպորատիվ ստրուկներ»,- ասում է ՄԻՖ (MEF) (Թուրքիա)...

Arpine Arzumanyan 09/28/2016 - 17:54

«Յուրաքանչյուրս պետք է գիտակցենք, որ մեր քայլերը որոշակի ազդեցություն են ունենում բնության վրա, պետք է փորձել...

Մարի Սևոյան 08/30/2017 - 18:00

Բնապատկերներ, վանքեր, վառ ծաղիկներ, որ ստիպում են կանգնել, հիանալ իրենցով ու ակամայից վայելել նրանցում թաքնված բույրն ու քեզ զգալ ինչպես...

Tigran Hovhannisyan 05/07/2016 - 19:13

Ուրախ տրամադրություն, ծիծաղ եւ պարզապես «դրայվ» դուք կարող եք ստանալ, դիտելով  «Վայ, մամա ջան» ֆիլմը, որի շնորհանդեսը կայացավ մայիսի 6-...

Arm Sargsyan 03/13/2016 - 19:33

Չգիտեմ, թե ցանկությունս որքանով է հնարավոր ի կատար ածել, որքանով՝ ոչ, բայց այն մեծ է, անչափ մեծ.

Արփինե Մանասյան 02/07/2016 - 21:11

Տարիքակիցներիս հետ ժամանակ անցկացնելու համար մեծ մասամբ ստիպված եմ լինում գնալ քաղաքի տարբեր մասեր, քանի որ Դավթաշենում չկան իմ և իմ...

Արփինե Մանասյան 02/07/2016 - 21:00

Սույն թվականի հունվարի 16-ի առավոտյան, Դավթաշեն առաջին թաղամասի կանգառներից մեկում կանգնած էի և նկատեցի մի խումբ տաքսիներ, որոնք...

Մարիամ Գրիգորյան 01/23/2016 - 23:01

Ողջույն: Ես Մարիամն եմ: Ապրում եմ Դավթաշենում: Հայաստանը ունի որոշակի բյուջե, բայց իր բյուջեից շատ քիչ մասն է հատկացնում թոշակառուներին...

Աշոտ Իսրաելյան 05/10/2014 - 16:00

Նորաբաց «Երևան Մոլ»-ում օրվա տարբեր ժամերին կարելի է տեսնել «Սամսունգ» ընկերության «ռոբոտին»: Ռոբոտը իր պարային շարժումներով գովազդում է...

Liza Gasparyan 01/08/2013 - 14:30
Նելլի Շիշմանյան 12/30/2012 - 19:15

Մեր օրերում ապրում են կանայք, ովքեր հայրենիքի խաղաղության համար չեն խնայել ոչինչ.  Հայրենական Մեծ Պատերազմի սկսվելու մասին լուրը լսելով...

Liza Gasparyan 12/07/2012 - 11:20

1988թ-ի Սպիտակի ավերիչ երկրաշարժի հետեւանքով զոհվեց 25.000 մարդ , անօթեւան մնաց` 514.000-ը:

Elmira Abgarian 11/28/2012 - 12:00

Դեռևս մայիս ամսվա սկզբին անդրադարձել էի Երեւանի Դավթաշեն 4րդ թաղամասի 46-րդ շենքի բնակիչների բողոքին առ այն, որ նրանց ջանքերով  աճեցրած...

Elmira Abgarian 11/28/2012 - 11:45

Երեւանի Դավթաշենի 4-րդ թաղամասի 46-րդ շենքի բնակիչները բողոքում են, որ  տարիներ շարունակ իրենց կողմից տնկած և  խնամված ծառերը կտրել են...

Մարի Սևոյան 06/19/2017 - 13:37

Քրտնաջան աշխատանքը և նպատակասլացությունը հուսախաբ չարեցին․ այս տարի աշնանը N119 ավագ դպրոցի շրջանավարտ Տիգրանի՝...

Arpine Arzumanyan 10/20/2016 - 15:56

«Ի՞նչ կլինի, եթե դադարեցնենք քաղաքական պայքարը և սկսենք համագործակցել»,- հարցադրում  է անում ՄԻՖ (MEF) (Թուրքիա)...

Arpine Arzumanyan 10/20/2016 - 15:45

«Այստեղ մենք հանդիպում ենք այնպիսի ներդրողների, որոնց չէինք կարող հանդիպել Հայաստանում: Ուզում եմ փաստել, որ նման միջոցառումները պետք է...

Arpine Arzumanyan 10/17/2016 - 14:19

«Ես ուզում եմ, որ դուք լինեք ձեռներեց, քանի որ ես չեմ ուզում, որ դուք լինեք կորպորատիվ ստրուկներ»,- ասում է ՄԻՖ (MEF) (Թուրքիա)...

Arpine Arzumanyan 09/28/2016 - 17:54

«Յուրաքանչյուրս պետք է գիտակցենք, որ մեր քայլերը որոշակի ազդեցություն են ունենում բնության վրա, պետք է փորձել...

Հերմինե Ղարիբյան 06/03/2016 - 17:22

Պետական Գործիչների Երիտասարդական Դպրոցի նախաձնեռնությամբ մեկնարկեց «Բանավեճի մշակույթ, հռետորական խոսքի արվեստ»...